ბაიდენის ადმინისტრაციამ ისრაელში კონსულტანტებად საზღვაო ქვეითთა გენერალი და სხვა მაღალჩინოსნები გაგზავნა
სამვარსკვლავიანი გენერალი ჯეიმს გლინი და სხვა მაღალჩინოსნები თეთრმა სახლმა ისრაელში სამხედრო კონსულტანტებად გაგზავნა. როგორც გამოცემა Axios წერს, ისრაელი სწორედ მათი კონსულტაციებით იხელმძღვანელებს სახმელეთო ოპერაციის დაგეგმვისას.
ამასთან, თეთრი სახლი ხაზს უსვამს, რომ უშუალოდ გეგმის შედგენაში ან სახმელეთო ოპერაციაში ამერიკელი სამხედროები მონაწილეობას არ მიიღებენ და მათი პრეროგატივა მხოლოდ რჩევების მიცემაა.
აღსანიშნავია, რომ ჯეიმს გლინი საზღვაო ქვეითთა სპეციალური ოპერაციების ძალების მეთაური იყო და მონაწილეობა აქვს მიღებული “ისლამური სახელმწიფოს” წინააღმდეგ ერაყში მიმდინარე ოპერაციებში.