საკონსტიტუციო სასამართლოში პრეზიდენტის წარმომადგენელი, თამარ ჩუგოშვილი ამბობს, რომ ყველა დეპუტატი, ვინც ხმას მისცემს პრეზიდენტის იმპიჩმენტს საკუთარ პოლიტიკურ მომავალს გამოუტანს განაჩენს. მისი თქმით, “ოცნებისთვის” მიუღებელია ნებისმიერი თანამდებობის პირი და ინსტიტუტი, რომელსაც დამოუკიდებელი აზრი და პოზიცია გააჩნია.
“იმპიჩმენტის პროცესი არის ძალიან დამაზიანებელი ჩვენი ქვეყნისთვის, განსაკუთრებით ახლა, როცა კანდიდატის სტატუსზე ველოდებით გადაწყვეტილებას. ძალიან დიდი იმედი მაქვს, რომ ის არ შედგება და საკმარისი ხმები არ აღმოჩნდება. ვფიქრობ, რომ ყველა დეპუტატი, რომელიც ამ იმპიჩმენტს დაუჭერს მხარს საკუთარ პოლიტიკურ მომავალს გამოუტანს განაჩენს ამ გადაწყვეტილებით”, – თქვა ჩუგოშვილმა.
სხდომა სადაც იმპიჩმენტის საკითხს განიხილავენ 12:00 საათზე უნდა დაიწყოს. მას პრეზიდენტი პირადად დაესწრება.