პარლამენტმა დღევანდელ სხდომაზე დიპლომატიური კორპუსისა და საკონსტიტუციოში პრეზიდენტის წარმომადგენლების მიწვევაზე უარი თქვა | ადმინისტრაცია

0
122

პრეზიდენტის ადმინისტრაციის განცხადებით, მათი მოთხოვნის მიუხედავად, პარლამენტმა უარი თქვა იმპიჩმენტის საკითხის განხილვისას სხდომაზე მიეწვია საქართველოში აკრედიტებული დიპლომატიური კორპუსისა და საკონსტიტუციო სასამართლოში პრეზიდენტის წარმომადგენლები.

იხილეთ განცხადება:

პრეზიდენტის ადმინისტრაცია აპროტესტებს იმ ფაქტს, რომ პარლამენტი პრეზიდენტის საიმპიჩმენტო სხდომას და ასეთ მნიშვნელოვან პროცესს განიხილავს და წარმართავს როგორც „ჩვეულებრივ, რიგით სამუშაო ფორმატს“.

პრეზიდენტის ადმინისტრაციის მოთხოვნის მიუხედავად, პარლამენტმა უარი განაცხადა, იმპიჩმენტის საკითხის განხილვისას სხდომაზე მოეწვია საქართველოში აკრედიტებული დიპლომატიური კორპუსისა და საკონსტიტუციო სასამართლოში პრეზიდენტის წარმომადგენლები.

შეგახსენებთ, 16 ოქტომბერს, საკონსტიტუციო სასამართლოს პლენუმმა დაადგინა, რომ საქართველოს პრეზიდენტმა სალომე ზურაბიშვილმა ქვეყნის კონსტიტუცია დაარღვია. სასამართლოს დასკვნაზე სამ მოსამართლეს – ირინა იმერლიშვილის, გიორგი კვერენჩხილაძესა და თეიმურაზ ტუღუშს – განსხვავებული აზრი ჰქონდათ და ის დღეს გამოქვეყნდა.

პარლამენტი იმპიჩმენტის პროცესს დღეიდან, 18 ოქტომბრიდან იწყებს. ცნობილია, რომ სხდომას სალომე ზურაბიშვილი დაესწრება და სიტყვით გამოვა.

წინა სტატიარატომ არ კრძალავენ უკრაინაში დაცემულ ქართველებს ძმათა სასაფლაოზე – მინისტრის პასუხი
შემდეგი სტატიაპრეზიდენტის იმპიჩმენტის საქმეს საფრანგეთის საელჩო საქართველოში ეხმაურება
ტელეკომპანია ოდიშის საინფორმაციო სამსახური