Le Monde წერს, რომ საფრანგეთში თავისი ყოფილი მასწავლებლის მკვლელი ჯიჰადისტის მამა საქართველოში ცხოვრობს და ჯერაც არ დაუკითხავთ.

♦️ რა მოხდა – 13 ოქტომბერს საფრანგეთის ერთ-ერთ ქალაქში, სკოლაში მივიდა სასწავლებლის კურსდამთავრებული და, დანით შეიარაღებულმა, ყოფილი მასწავლებელი მოკლა, ორი ადამიანი კი დაჭრა.

♦️ მუჰამედ მოგოჩკოვი, რომელმაც მკვლელობა ჩაიდინა, წარმოშობით ინგუშეთიდანაა. ის ოჯახის ყველაზე რადიკალური წევრი იყო, რაზეც ფრანგი სამართალდამცველების მიერ მოპოვებული ვიდეო და აუდიოჩანაწერები მოწმობს. მათში მოგოჩკოვი ერთგულებას უცხადებს ‘ისლამურ სახელმწიფოს” და ხაზს უსვამს თავის მიუღებლობას საფრანგეთისადმი და დემოკრატიული ღირებულებებისადმი.

♦️ სტატიაში ნათქვამია, რომ მუჰამედ მოგოჩკოვი ჯიჰადისტური იდეოლოგითაა შეპყრობილი და მამამისის გავლენის ქვეშაა, ” რომელიც 2018 წელს გააძევეს საფრანგეთიდან და ამჟამად საქართველოში ცხოვრობს, სადაც ჯერ არც კი დაუკითხავთ”, – წერს ფრანგული გამოცემა.