დღეს პარლამენტში, მინისტრის საათის ფორმატში, თავდაცვის მინისტრი იმყოფება. დეპუტატმა ნიკა მაჭუტაძემ მას ჰკითხა, რატომ არ კრძალავენ უკრაინაში დაღუპულ ქართველ მებრძოლებს ძმათა სასაფლაოზე. მინისტრის პასუხი:
💬 “ჩვენ ავიღეთ ჩვენ თავზე ეს საკითხი და პატივით ვკრძალავთ მათ და ის, რომ კანონმდებლობაში ცვლილებაა შესატანი და შეიძლება კიდევ უფრო მეტი პატივი მივაგოთ, ეს ერთის მხრივ სცდება ჩვენს კომპეტენციას და მეორეს მხრივ, შეიძლება ამას არ ჰქონდეს რაღაც ზღვარი, რომ განვასხვაოთ საქართველოს ტერიტორიული მთლიანობისთვის დაღუპულები, სხვისგან. თხოვნა, რაც ჩვენ გვქონდა მათი ოჯახის წევრებისგან, ვთვლით, რომ შევასრულეთ და არც ერთი შემთხვევა არ დაგვიტოვებია სამხედრო პატივით დაკრძალვის გარეშე”.
უკრაინაში დაღუპული ქართველი მებრძოლთა ცხედრების დახვედრაში, საქართველოში ჩამოსვენების პირველი წუთებიდანვე, მონაწილეობს თავდაცვის სამინისტროს სარიტუალო სამსახური. დაკრძალვის დღემდე ცხედართან მორიგეობს საპატიო ყარაული, სასაფლაოზე, დაკრძალვის დროს, ისმის გამოსამშვიდობებელი ზალპი და საქართველოს სახელმწიფო ჰიმნს უკრავს სამხედრო ორკესტრი, თუმცა, არცერთი დაცემული მებრძოლი საძმო სასაფლაოზე არ დაკრძალულა.