ჩემი წინადადებაა ხვალ დავიწყოთ იმპიჩმენტის საკითხის განხილვა, თუ ზურაბიშვილს სურვილი აქვს, მოვიწვევთ | პაპუაშვილი

0
98

პარლამენტის თავმჯდომარე, შალვა პაპუაშვილის წინადადებაა, რომ პრეზიდენტის იმპიჩმენტის საკითხი პლენარულ სხდომაზე ხვალ, 12:00 საათზე განიხილონ. მისივე თქმით, თუ სალომე ზურაბიშვილს სურს მონაწილეობა მიიღოს განხილვაში, მას მოიწვევენ და სიტყვით გამოსვლის საშუალებასაც მისცემენ.

“მე გუშინაც ბიუროზე ვთქვი და დღესაც მკაფიოდ ვთქვი, რომ თუ ქალბატონ სალომე სურს მონაწილეობა მიიღოს განხილვაში, რა თქმა უნდა, მას მოვიწვევთ და ექნება შესაძლებლობა გამოვიდეს. გვექნება შუადღით კიდევ საუბარი, ოთხშაბათს, ხვალ დილით, 12:00 საათზე, ეს იქნებოდა ჩემი წინადადება, რომ დავიწყოთ ამ საკითხის განხილვა, ასე რომ, ამ მხრივ წავიდეთ”, – თქვა პაპუაშვილმა.

სალომე ზურაბიშვილმა გუშინ გამართულ ბრიფინგზე თქვა, რომ განხილვის დროს პარლამენტში მივა და რომ “პატარა კაცებთან” დასაცავად არავინ სჭირდება. მან ოპოზიციას ურჩია, რომ თუ სურთ ძლიერი სურათი – “გარეთ დადგნენ და დადგნენ ამ ანტიევროპული იმპიჩმენტის წინააღმდეგ”.

შეგახსენებთ, რომ 16 ოქტომბერს, საკონსტიტუციო სასამართლომ სალომე ზურაბიშვილის მიერ კონსტიტუციის დარღვევა დაადგინა. 9 მოსამართლიდან გადაწყვეტილებაზე განსხვავებული პოზიცია ჰქონდათ – ირინე იმერლიშვილს, გიორგი კვერენჩხილაძესა და თეიმურაზ ტუღუშს. დასკვნა საბოლოოა და გასაჩივრებას, ან გადასინჯვას არ ექვემდებარება.

რაც შეეხება საქართველოს პრეზიდენტის წარმომადგენლებს, მათი თქმით, სასამართლომ ერთი-ერთში გაიზიარა კონსტიტუციური წარდგინების ავტორების მოსაზრებები.

წინა სტატიაპრეზიდენტის იმპიჩმენტი – საკონსტიტუციოს დასკვნაზე 3 მოსამართლის განსხვავებული აზრი გამოქვეყნდა
შემდეგი სტატიაევროპული სტანდარტის მოლოდინი გვქონდა, მივიღეთ საპირისპირო…სამარცხვინოა, როცა პრეზიდენტი არღვევს კონსტიტუციას და ასეთ განცხადებებს აკეთებს | ღარიბაშვილი
ტელეკომპანია ოდიშის საინფორმაციო სამსახური