“ქართული ოცნების” თავჯდომარე, ირაკლი კობახიძე ისევ იმეორებს, რომ საკონსტიტუციო სასამართლოს უმარტივესი სამართლებრივი კაზუსი ჰქონდა ამოსახსნელი პრეზიდენტის იმპიჩმენტის საკითხთან დაკავშირებით.

“სალომე ზურაბიშვილმა უღალატა საქართველოს კონსტიტუციას და კონსტიტუციაზე დადებულ ფიცს. მიმდინარე კვირაში, ქართველი ხალხის მიერ მიერ 2020 წელს არჩეული დეპუტატების უმრავლესობა დაადასტურეს, რომ ის აღარ არის ღირსი საქართველოს პრეზიდენტის მაღალ სტატუსს ატარებდეს. საქართველოს პრეზიდენტს რომ ჰქონდეს შერჩენილი ელემენტარული ღირსება, ბუნებრივია საკონსტიტუციო სასამართლოს მიერ საქართველოს კონსტიტუციის დარღვევის დადგენის შემდგომ ის მყისიერად გადადგებოდა პრეზიდენტის თანამდებობიდან, თუმცა ისიც გვესმის, რომ სალომე ზურაბიშვილი არ არის დამოუკიდებელი თავის გადაწყვეტილებებში და ის ვერც გადადგომის გადაწყვეტილებას მიიღებს იმ ძალების თანხმობის გარეშე, რომლებიც მას კონსტიტუციის უხეში დარღვევისკენ უბიძგებდნენ”, – თქვა კობახიძემ.

მისივე განცხადებით, საკითხზე კენჭისყრა მიმდინარე სასესიკო კვირის ბოლომდე შეგდება.