ისრაელმა დაბომბა და მწყობრიდან გამოიყვანა ასაფრენი ზოლი სირიის დედაქალაქ ალეპოს საერთაშორისო აეროპორტში.
სხვათა შორის, ეს ზოლი ცახალმა ფრთოსანი რაკეტით ხუთშაბათსაც დაბომბა და სირიელებმა შეაკეთეს.
დაბომბვის მიზეზად ცახალმა ის დაასახელა, რომ ამ ზოლზე დასაფრენად ირანიდან, სამხედრო აღჭურვილობით სავსე სამხედრო თვითმფრინავი აპირებდა დაჯდომას, რომელიც იძულებული გახდა, უკან გაბრუნებულიყო.
ამჯამად ალეპოს საერთაშორისო აეროპორტს შეწყვეტილი აქვს ფუნქციონირება. მიმდინარეობს ასაფრენი ზოლის შეკეთების პროცესი.
სახმელეთო ოპერაცია ღაზის სექტორში ამ დრომდე არ დაწყებულა, რადგან ისრაელმა, აშშ-ის თხოვნით, გაზარდა ვადა, რომელიც ღაზის სექტორის მოსალეობას მისცა ანკლავის დასატოვებლად.
ამასობაში, “ჰეზბოლა” დროს უქმად არ კარგავს და პროპაგანდისტულ კლიპებს აქვეყნებს. ერთერთ კლიპში ჰეზბოლელები მიანიშნებენ, რომ ისრაელის ბირთვული ობიექტები მათი რაკეტების სამიზნე მანძილზე მდებარეობს.
ამასობაში ღაზის სექტორში ტერორისტების მიერ შექმნილი ბლოკ-პოსტებისგან საცობები შეიქმნა – ტერორისტები მშვიდობიან მოსახლეობას ღაზიდან გასვლის საშუალებას არ აძლევენ, რათა ისინი ფარად გამოიყენონ.