რუსეთში უფასოდ სწავლის სურვილი 100-მდე ქართველმა აბიტურიენტმა გამოთქვა – ამის შესახებ რუსული სამთავრობო მედია “TASS” წერს.
მედია წერს, რომ ამის შესახებ საქართველოში შვეიცარიის საელჩოს რუსეთის ინტერესების განყოფილებაში განუცხადეს.
საქართველოდან აბიტურიენტებს სთავაზობენ ნებისმიერი უნივერსიტეტის არჩევას, მოსკოვის სახელმწიფო უნივერსიტეტის [МГУ ], რუსეთის საგარეო საქმეთა სამინისტროს დიპლომატიური აკადემიის და მოსკოვის სახელმწიფო საერთაშორისო ურთიერთობების ინსტიტუტის [МГИМО] გარდა.
“დაახლოებით 100 განაცხადი უკვე შემოვიდა”, – განაცხადა სექციის თანამშრომელმა და აღნიშნა, რომ წელს კვოტა 200 ადგილია.
რუსეთის ინტერესების განყოფილება ამბობს, რომ სავიზო რეჟიმის გაუქმება ძალიან შეუწყობს ხელს მომავალი სტუდენტების ნათესავებისა და მეგობრების რუსეთში ჩასვლას.