უკრაინის თავდაცვის სამინისტროს მთავარი სადაზვერვო სამმართველოს ხელმძღვანელი მიიჩნევს, რომ რუსეთს უკრაინის წინააღმდეგ სამხედრო ოპერაციების გაგრძელება 2025 წლამდე “უპრობლემოდ შეუძლია”.

ბუდანოვის თქმით, მიუხედავად სამხედრო რესურსისა, მოსკოვის ეკონომიკური მდგომარეობა და ტექნიკური შესაძლებლობები არც ისე ძლიერია.

ეკონომიკური შეფასებით, რუსეთს განსაკუთრებული პრობლემების გარეშე შეუძლია ომი უკრაინის წინააღმდეგ 2025 წლამდე აწარმოოს. აღჭურვილობის მოცულობის მხრივ – მაქსიმუმ 2026 წლამდე. შესაძლოა ცოტა უფრო სწრაფად, რადგან აღჭურვილობის აღდგენის მაჩვენებელი, რომელსაც ისინი ამჟამად გადიან, არც თუ ისე მაღალია. ანუ, სადღაც 2025 წელს მივდივართ. ადამიანური რესურსების მხრივ, აშკარაა, რომ მათ ექნებათ საკმარისი დიდი ხნის განმავლობაში – აღნიშნა ბუდანოვმა.