ამერიკის სახელმწიფო მდივანი, ენტონი ბლინკენი ისრაელში ჩავიდა. ამის შესახებ ინფორმაციას გამოცემა BBC ავრცელებს. ვიზიტის ფარგლებში ბლინკენი შეხვდება ისრაელის ოფიციალურ პირებს. დღეს დილით ცნობილი გახდა, რომ აშშ-ის სახელმწიფო მდივანი ასევე შეხვდება პალესტინის პრეზიდენტს, მაჰმუდ აბასს. შეგახსენებთ, 7 ოქტომბერს, ღაზის სექტორიდან ისრაელზე მოულოდნელი სარაკეტო და სახმელეთო თავდასხმა წამოიწყეს. თავდასხმაზე პასუხისმგებლობა ტერორისტულმა დაჯგუფება ”ჰამასმა” აიღო და მას ოპერაცია ”ალ-აკსას” შტორმი ეწოდა. სარაკეტო იერიშის საპასუხოდ ისრაელის თავდაცვის სამინისტრომ საომარი მდგომარეობა და ოპერაცია ”რკინის ხმლების” დაწყება გამოაცხადა.