ისრაელში საქართველოს ელჩმა, ლაშა ჟვანია აცხადებს, რომ თუ საქართველოს მოქალაქეების მხრიდან მოთხოვნა იქნება, განიხილავენ 13 ოქტომბერსაც დაინიშნოს დამატებითი რეისი. დამატებითი რეისები ისრაელიდან საქართველოს მომართულებით დანიშნულია დღეს და ხვალ.
“ისრაელმა პრაქტიკულად კონტროლი დაამყარა მთელ ტერიტორიაზე, მიუხედავად ამისა, მაინც გრძელდებოდა საჰაერო თავდასხმები. ნელ-ნელა ვითარება იცვლება სამხედრო თვალსაზრისითაც, პოლიტიკურადაც. როგორც ვიცით დამატებითი რეისი არის დანიშნული, ამ რეისით საქართველოს მოქალაქეები დაბრუნდებიან საქართველოში, ისევე როგორც, 12 ოქტომბრისთვის ჩაინიშნა დამატებითი რეისი და ვნახავთ, თუკი მოთხოვნა იქნება ჩვენი მოქალაქეებისგან საქართველოში დაბრუნებაზე, შეიძლება ასევე 13 რიცხვზეც ვისაუბროთ რეისის დამატებაზე”, – ამბობს ლაშა ჟვანია.
ელჩმა მანამდე თქვა, რომ 11 ოქტომბერს დანიშნულ დამატებით რეისზე ყველა ბილეთი რამდენიმე წუთში გაიყიდა.
ცნობისთვის, არაერთმა ქვეყანამ საკუთარი მოქალაქეები ისრაელიდან გამოიყვანა. საქართველოს ხელისუფლება ევაკუაციას არ გეგმავს.
ისრაელში მყოფი საქართველოს მოქალაქეებისთვის ცხელი ხაზი მოქმედებს შემდეგ ნომრებზე:
+972526919092;
+972 52-8888513
+972 54-7386813