თბილისში, ხეჩინაშვილის კლინიკაში, გარდაიცვალა კაცი, რომელსაც გამოძიება ყოფილი ცოლისა და სიდედრის მკვლელობას ედავებოდა. რადიო თავისუფლებას კლინიკაში უთხრეს, რომ იგი რამდენიმე დღის წინ მოკვდა.
18 სექტემბერს, ღამით, თბილისში, დოლიძის ქუჩაზე, 55 წლის გურამ ქადეიშვილმა, მოქმედმა პოლიციელმა, გლდანი-ნაძალადევის განყოფილების ინსპექტორ-გამომძიებელმა, არასრულწლოვანი შვილების თვალწინ ყოფილ მეუღლესა და სიდედრს იარაღიდან გასროლით სასიკვდილო ჭრილობები მიაყენა და შემდეგ თვითმკვლელობა სცადა. დედა-შვილი ადგილზე დაიღუპა.
გურამ ქადეიშვილი ხეჩინაშვილის კლინიკაში, რეანიმაციულ განყოფილებაში გადაიყვანეს. ექიმები მის მდგომარეობას კრიტიკულად აფასებდნენ.
რადიო თავისუფლება