♦️ ” უახლოეს პერიოდში მუსლიმები ისრაელს სამი მხრიდან შეუტევენ – ეს სრულფასოვანი ომი იქნება”, – ამ სათაურით ჯერ კიდევ 2023 წლის 9 აპრილს, გაზეთ “მაკორ რიშონში” (ებრ.-“პირველწყარო”) გამოქვეყნდა ცნობილი არაბისტის ანალიზი, რომელიც მოსადის ანალიტიკურ სამსახურს, როგორც ჩანს, გამორჩა ან ყურადღება არ მიაქცია…
🔻დოქტორი მორდეხაი კეიდარი ამ სტატიაში ამტკიცებდა, რომ “უახლოეს მომავალში” ისრაელს შეუტევდნენ “ჰამასი” და “ისლამური ჯიჰადი” ღაზის სექტორიდან, დაარტყამდა “ჰეზბოლა” ლიბანიდან, ხოლო სირიიდან კონფლიქტში ჩაერთვებოდა 17 პროირანული დაჯგუფება. არაბისტი ირწმუნებოდა, რომ ეს ფართომასშტაბიანი, სრულფასოვანი ომის ტოლფასი თავდასხმა იქნებოდა.
🔻კეიდარი წყაროდ ასახელებდა ავტორიტეტულ პირებს არაბულ სამყაროში, რომლებსაც პირადად იცნობდა, ასევე “საერთო განწყობას” ერაყში, სადაც, მისი თქმით, “თავდასხმაზე უკვე ყველგან ღიად საუბრობდნენ”.
🔺კეიდარის პროგნოზით, ყველა ტერორისტული დაჯგუფება ირანის მიერ იქნებოდა წაქეზებული, ხოლო თავად ირანი, თავისი ტერიტორიიდან ისრაელს არ შეუტევდა, რათა საპასუხო მოქმედებების სამიზნე არ გამხდარიყო.