დადიანების სასახლეთა ისტორიულ-არქიტექტურული მუზეუმის ეზოში მიმდინარეობს სამუშაოები პროექტისთვის „საშობაო მეჯლისი დადიანების სასახლეში“.ზუგდიდის ბოტანიკური ბაღის ადმინისტრაციის ინფორმაციით, ღონისძიების ჩატარების პერიოდში 11, 12, 13 და 14 ოქტომბერს ზუგდიდის ბოტანიკურ ბაღში დაიკეტება მუზეუმის მხრიდან შესასვლელი კარი.

“აღნიშნულ დღეებში, შესვლა შესაძლებელი იქნება სოხუმის ქუჩის მხრიდან. ხოლო 15 ოქტომბერს, ზუგდიდის ბოტანიკურ ბაღში ჩვეულებისამებრ, განახლდება ვიზიტორთა მიღება. ბოტანიკური ბაღის ადმინისტრაცია ბოდიშს გიხდით შექმნილი დისკომფორტისთვის.”-ნათქვამია ბოტანიკური ბაღის ინფორმაციაში.

4 ოქტომბრიდან 15 ოქტომბრის ჩათვლით დახურულია უფლისწულ ნიკო დადიანის სასახლე და მუზეუმის სამეცნიერო ბიბლიოთეკა. დღეიდან 14 ოქტომბრის ჩათვლით დაკეტილია დედოფლისეული სასახლეც. შეზღუდვები სასახლის ეზოში საქორწილო ფოტოსესიისა და ხელმოწერის ცერომინიის გამართვის მსურველებსაც შეეხება.აღნიშნული პროექტი მესამე წელია, კულტურის სამინისტროს დაფინანსებით ხორციელდება. სატელევიზიო პროდუქტი კი ტელეკომპანია „იმედის“ ეთერში გადის.