ზუგდიდის მუნიციპალიტეტის მასშტაბით 29 საჯარო სკოლა ახალ დირექტორს ირჩევს. 51-დან 29 სკოლაში სამეურვეო საბჭოებისთვის მხოლოდ თითო კანდიდატია წარდგენილი, განათლების სამინისტრომ საჯარო სკოლის სამეურვეო საბჭოებისათვის ასარჩევად წარსადგენი დირექტორობის კანდიდატებისა და შესაბამისი სკოლების სია გასულ კვირას გამოაქვეყნა.შესაბამისი საჯარო სკოლის სამეურვეო საბჭო წარდგენილი კანდიდატებიდან აირჩევს დირექტორს 6 წლის ვადით მათი წარდგენიდან ხუთი სამუშაო დღის ვადაში. განათლების სამინისტროს განმარტებითვე, დირექტორობის კანდიდატები საკუთარ პროგრამებს სამეურვეო საბჭოს წარუდგენენ საჯარო სხდომაზე.განათლებისა და მეცნიერების სამინისტროს მიერ გამოქვეყნებული სიის თანახმად, ასეულობით სკოლაში სამეურვეო საბჭოებისთვის წარდგენილია თითო-თითო კანდიდატი, რამაც სასკოლო საზოგადოების ნაწილში პროტესტი გამოიწვია.
სამეურვეო საბჭოებმა დირექტორები ზუგდიდის პირველ, მეორე და მეოთხე საჯარო სკოლებშიც უნდა აირჩიონ. რაც შეეხება 22 სკოლას, იქ დირექტორების მოვალეობის შემსრებლები დაინიშნებიან.