ისრაელსა და ღაზაში განვითარებული მოვლენების ფონზე მსოფლიოში ნავთობის ფასი გაიზარდა. ამის შესახებ BBC წერს.

გამოცემის ინფორმაციით, Brent-ის ნავთობის ფასი 3 დოლარით გაიზარდა და ახლა ბარელი $87.68 ღირს. გაიზარდა ამერიკული ნავთობის ღირებულებაც. ისრაელსა და პალესტინაში ნავთობი არ მოიპოვება, თუმცა, ახლო აღმოსავლეთის რეგიონი ნავთობის გლობალური მარაგის მესამედს ითავსებს. მწარმოებლები შიშობენ, რომ მიმდინარე ომმა შესაძლოა მიწოდების ჯაჭვი დაარღვიოს.

ანალიტიკოსი ენერგეტიკის სფეროში სოლ კავანოჩი BBC-სთან საუბრისას აღნიშნავს, რომ ფასის ზრდა საბრძოლო მოქმედებებში სხვა ქვეყნების ჩართვის შესაძლებლობით არის განპირობებული, როგორებიცაა ირანი და საუდის არაბეთი.

„თუ კონფლიქტში ირანი ჩაერთვება, რომელსაც „ჰამასის“ მხარდაჭერაში ადანაშაულებენ“, ნავთობის გლობალური მარაგის 3% რისკის ქვეშ აღმოჩნდება“, – დასძინა მან.

სპეციალისტების პროგნოზით, წლის ბოლო 3 თვის განმავლობაში ნავთობზე მოთხოვნა პროდუქციის რაოდენობას გადააჭარბებს, რაც მაღალი ფასების შენარჩუნების საწინდარი გახდება.

ტერორისტულმა ორგანიზაცია „ჰამასმა“ ისარელზე თავდასხმა 7 ოქტომბერს, 06:30 საათზე განახორციელა და ახალი სამხედრო ოპერაციის დაწყების შესახებ განაცხადა. ისრაელიმა „ომისთვის მზადყოფნის მდგომარეობა“ გამოაცხადა და ღაზას სექტორში „ჰამასის“ ობიექტებზე შეტევა დაიწყო.