ომის მეორე დღე – 1000-ზე მეტი დაღუპული, 1.800-ზე მეტი დაჭრილი – სად რა ხდება ისრაელში

0
480

ბოლო მონაცემებით, ისრაელში დაღუპულია 1000-მდე ადამიანი, დაჭრილთა რაოდენობა კი 1.800-ს აჭარბებს

ZAKA-ს (მოხალისე აქტივისტთა და მაშველთა ცნობილი გაერთიანება ისრაელში, რომელიც ხელისუფლებასთან კოორდინირებულად მოქმედებს საპოლიციო ოლქებში) ინფორმაცციით, ცხედრებს ამ დრომდე პოულობენ:

“ბოლო რამდენიმე საათის განმავლობაში ჩვენ აღმოვაჩინეთ ასობით მოკლული ისრაელის მოქალაქის ცხედარი, ცხედართა უმრავლესობა ჯერაც არაა აღმოჩენილი”.

ამ დროისთვის ტერორისტებთან შეტაკებები გრძელდება 7 ქალაქსა და კიბუცში: ზდეროთი, ზიკიმი, კფარ-აზარი, ბერი, რეიმი (სადაც ბაზა აიღეს და ამ დროისთვის დაიბრუნა ისრაელმა) კისუფიმი, სოფა.

“ცახალის” პრესსამსახური: “ჩვენ გავათავისუფლეთ ტერორისტების მიერ დაკავებული ტერიტორიის უდიდესი ნაწილი და და ღაზის სექტორის მოსაზღვრე რეგიონებში მცხოვრები მოქალაქეების ევაკუაცია დავიწყეთ. წინ მძიმე დღეები გველის”.

ამავე დროს, “ცახალი” იტყობინება ქვეყნის ჩრდილოეთით, ლიბანის მხრიდან ნაღმმტყორცნებით გახსნილი ცეცხლის შესახებ, რასაც ისრაელმა არტილერიით უპასუხა. შეგახსენებთ, იყო ვარაუდი, რომ მოსალოდნელია ლიბანის მხრიდან თავდასხმა.

წინა სტატიაისრაელმა მიტაცებულ დასახლებებზე კონტროლი დაიბრუნა და ტერორისტები დაატყვევა – სად რა ხდება
შემდეგი სტატიაავიამზიდი USS Gerald R. Ford ისრაელის სანაპიროსკენ დაიძრა – რა ხდება ომის მეორე დღეს
ტელეკომპანია ოდიშის საინფორმაციო სამსახური