ოჩამჩირის პორტის შესახებ საუბარი მას შემდეგ გახდა აქტუალური, რაც ცნობილი გახდა, რომ იქ განთავსდება რუსეთის შამხედრ-საზღვაო ძალების მუდმივი ბაზა.
ოჩამჩირის პორტი მდინარე ჯუკმურის შესართავთან მდებარეობს და ზღვასთან არხითაა შეერთებული. პორტის აკვატორია დაკავშირებულია აფხაზეთის სარკინიგზო ქსელთან და საგზაო ინფრასტრუქტურასთან.
ოჩამჩირეში მცირე ზომის სავაჭრო ნავსადგომი ჯერ კიდევ 1933-35 წლებში აშენდა.
აფხაზეთის ომის შემდეგ 1998 წლამდე აქ ჯერ კიდევ იდგა რუსული სანაპირო დაცვის დივიზიონი რამდენიმე ცალი Гриф-ის ტიპის კატარღით.
2000 იანი წლების დასაწყისში აქ უკვე აფხაზური სეპარატისტული “არმიის” მოტომსროლელი ბატალიონი იყო განლაგებული, სამხედრო ნაწილი № 237955.
ასევე აფხაზების 1204 პროექტის ორი საარტილერიო კატარღა და 1400М Гриф-ის პროექტის 4 ცალი საპატრულო კატარღა.
უკვე 2009 წლიდან სერგეი ბაგაფშის “პრეზიდენტობის” დროს აქტიურად დაიწყეს საუბარი, რუსეთის შავი ზღვის ფლოტისთვის ოჩამჩირეში მეორადი დანიშნულების ნავსადგომის მოწყობაზე, ზოგიერთი მცირე ზომის სარაკეტო კატარღების, მტრალავების და საშუალო ზომის სადესანტო ხომალდების მუდმივი დისლოცირებისთვის.
ამავე წელს რუსეთიდან ოჩამჩირეში შემოცურა ფსკერის მხაპავმა ხომალდმა და ოჩამჩირის ბუხტაში წყლის სიღრმე 3.8 მეტრიდან 9 მეტრამდე გააღრმავეს.
ამის შემდეგ პორტში შესაძლებელი გახდა 10 000 ტონამდე წყალწყვის ხომალდების შესვლაც.
2009 წელს ოჩამჩირის პორტშივე განლაგდა რუსეთის ФСБ-ს სასაზღვრო სამსახურის სანაპირო დაცვის დივიზიონი 4 ცალი Соболь-ის და Мангуст-ის ტიპის თანამედროვე სადარაჯო კატარღებით.
2010 წელს კატარღების რაოდენობა 8-მდე გაიზარდა.
პორტში წყლის სიღრმის მომატებისთვის სამუშაოები შემდეგ წლებშიც გაგრძელდა.
2022 წლის მდგომარეობით პორტის ტერმინალს უკვე შეუძლია მიიღოს ხომალდი 13 000 ტონამდე წყალწყვით და 7,7 მეტრამდე წყალჯდომით.
პორტში არის სამი ნავმისადგომი – ჩრდილოეთის რიგრძეში 115 მეტრი, აღმოსავლეთის 140 მეტრი და სამხრეთის 172,6 მეტრი.
გიგა ინაშვილი