რა მოხდა ხარკოვის ოლქის სოფელ გროზაში, სადაც რუსული სარაკეტო შეტევის შედეგად უკვე 52 ადამიანია დაღუპული – დეტალები:
ადგილობრივი მებრძოლი ანდრეი ფრონტზე დაიღუპა. ის სოფლიდან შორს იყო დაკრძალული და ოჯახმა გადმოსვენება გადაწყვიტა, რაც გააკეთა კიდეც: ანდრეის ცხედარი მშობლიურ სოფელში გადმოასვენეს და საგვარეულო სასაფლაოზე დაკრძალეს.
ანდრეი პოლონეთში იმყოფებოდა, როცა ფართომასშტაბიანი შეჭრა დაიწყო. ის სასწრაფოდ ჩავიდა უკრაინაში, ფრონტზე მოხალისედ წავიდა და მალევე გმირულად დაეცა.
5 ოქტომბერს სოფელ გროზას ახლადგახსნილ კაფეში სწორედ ანდრეის გადმოსვენებასთან დაკავშირებული ტრაპეზი მიმდინარეობდა.
სოფელში სულ 300 ადამიანი ცხოვრობს, ტრაპეზზე თითო ოჯახიდან, მინიმუმ, ერთი წარმომადგენელი მაინც იმყოფებოდა, მათ შორის, ბავშვებიც.
დაბომბვის დროს, სხვა ადგილობრივებთან ერთად დაიღუპა ანდრეის ოჯახის ყველა წევრი…
დიმიტრი პესკოვმა ამ აფეთქებასთან დაკავშირებით განაცხადა, რომ “რუსეთი არ ირჩევს სამიზნეებად სამოქალაქო ობიექტებსა და საჯარო თავშეყრის ადგილებს…”