საკონსტიტუციო სასამართლოს სხდომაზე რამდენიმე წუთის წინ სიტყვიერი დაპირისპირება იყო ირაკლი კობახიძესა და თამარ ჩუგოშვილს შორის.
საქართველოს პრეზიდენტის წარმომადგენელი დაინტერესდა, მიეცემოდა თუ არა მას კობახიძის მსგავსად 3 საათი საუბრის, “სატელევიზიო მესიჯებისა და ლექციების წაკითხვის” საშუალება. ჩუგოშვილის კითხვამ კობახიძის გაღიზიანება გამოიწვია.
“პოლიტიკოსი რომ იყო, კიდევ გეპატიება ეგეთი რამე. არც პოლიტიკოსი ხარ და არც არაფერი. საკონსტიტუციო კომისიის მდივანი იყავი და ერთ სამუშაო შეხვედრას არ დასწრებიხარ, სირცხვილია. ღირსების ამბავია ეს ყველაფერი”, – მიმართა კობახიძემ ჩუგოშვილს.
შეგახსენებთ, რომ საკონსტიტუციო სასამართლო პრეზიდენტის იმპიჩმენტის თაობაზე კონსტიტუციურ წარდგინებას ზეპირი მოსმენით იხილავს. დღეს მხარეები პოზიციებთან დაკავშირებით მოსამართლეების კითხვებს პასუხობენ.