Associated Press წერს, რომ პენტაგონმა გამაფრთხილებელი წერილი გაუგზავნა კონგრესს, სადაც აღნიშნულია, რომ უწყებას უმთავრდება ფული უკრაინის საჭიროებებისა და მხარდაჭერისთვის იარაღის მიწოდების დასაფინანსებლად.
სწორედ ამის გამო, აშშ-ის თავდაცვის უწყებამ გადაწყვიტა, გააჭიანუროს მისივე შეიარაღებული ძალების აღჭურვის პროცესი, რაც, სამომავლოდ, შესაძლოა, ნეგატიურად აისახოს აშშ-ის სამხედრო ძალების ბრძოლისუნარიანობაზე.
შეგახსენებთ, წარმომადგენლობითმა პალატამ 45 დღით დააფინანსა აშშ-ის მთავრობა, თუმცა, უკრაინის დახმარებისთვის საჭირო თანხის გარეშე. ჯო ბაიდენმა ასევე მიმართა კონგრესს, რომ უკრაინის მხარდაჭერის შეწყვეტა დაუშვებელია, ხოლო თეთრი სახლის წარმომადგენელმა განაცხადა, რომ ვაშინგტონი კიევის მხარდაჭერას აუცილებლად გააგრძელებს.