ევროპისა და კლიმატის საკითხებში გერმანიის საგარეო საქმეთა მინისტრის მოადგილე ანა ლიურმანი სამუშაო ვიზიტით თბილისში იმყოფება. ინფორმაციას “საზოგადოებრივი მაუწყებელი” ავრცელებს.
გერმანიის საელჩოს ინფორმაციით, ვიზიტის მთავარი საკითხია საქართველოს დაახლოება ევროკავშირთან და ამისთვის საჭირო რეფორმები.
მინისტრის მოადგილე შეხვედრებს გამართავს საქართველოს საგარეო საქმეთა მინისტრის მოადგილესთან, საქართველოს პარლამენტის თავმჯდომარესთან და სხვადასხვა პოლიტიკური პარტიის წევრებთან. შეხვედრა ასევე დაგეგმილია სამოქალაქო საზოგადოების წარმომადგენლებთან და დისკუსია სტუდენტებთან განვითარების სფეროში თანამშრომლობის კლიმატთან დაკავშირებული გერმანული პროექტების შესახებ.
ანა ლიურმანი გაემგზავრება “სამხრეთ ოსეთთან” არსებულ ადმინისტრაციულ ზოლთანაც.
გერმანიის საგარეო საქმეთა მინისტრის მოადგილის საქართველოში ვიზიტი 4 ოქტომბერს დასრულდება.