ევროკავშირის წევრი ქვეყნების საგარეო საქმეთა მინისტრები კიევში იმყოფებიან. CNN წერს, რომ ევროკავშირის უმაღლესმა წარმომადგენელმა საგარეო საქმეთა და უსაფრთხოების საკითხებში, ჯოზეფ ბორელმა თქვა, რომ 27-ვე ქვეყნის მინისტრი ჩავიდოდა კიევში, თუმცა ყველა მათგანი ადგილზე არ იმყოფება.
CNN ამბობს, რომ ცდილობს დააზუსტოს რამდენიმე მინისტრი გაემგზავრა კიევში. რამდენიმე ქვეყნის წარმომადგენელმა უკვე გააკეთა კომენტარი ტელევიზიებთან შეხვედრის ფარგლებში, მათ შორის ბულგარეთის, რუმინეთის, ნიდერლანდების, პორტუგალიის, ბელგიის, კვიპროსის, დანიის, იტალიის, ხორვატიისა და საფრანგეთის.
ბორელმა დაწერა, რომ ღონისძიება კიევში იქნება “27 წევრი სახელმწიფოს პირველი შეხვედრა ევროკავშირის გარეთ”.
“ჩვენ აქ ვართ, რათა გამოვხატოთ ჩვენი სოლიდარობა და მხარდაჭერა უკრაინელი ხალხის მიმართ”, – დაწერა ბორელმა.