კოალიციურ საქმიანობაში, შტაბური მიმართულებით კამპანიებს და საარჩევნო შტაბს უხელმძღვანელებს გიორგი ვაშაძე – ლევან ხაბეიშვილი

0
106

“ნაციონალური მოძრაობის” თავმჯდომარემ, ლევან ხაბეიშვილმა, “გამარჯვების პლატფორმის” მენეჯერად გიორგი ვაშაძე წარადგინა. მისი თქმით, “ერთიანი ნაციონალური მოძრაობისა” და “სტრატეგია აღმაშენებლის” ერთობლივ საარჩევნო კამპანიების შტაბს გიორგი ვაშაძე უხელმძღვანელებს.

“საქართველოს მოქალაქეებს სჭირდებათ ცვლილებები საქართველოს ევროპული მომავლისთვის. საქართველოს მოქალაქეს გადაწყვეტილი აქვს ჩამოშორება ხელისუფლების მართვის სადავეებიდან. “ერთიანი ნაციონალური მოძრაობა”, მიხეილ სააკაშვილი არის სწორედ ის ძალა, ის გუნდი, რომელიც იქნება მთავარი ძალა ბიძინა ივანიშვილის რუსული რეჟიმის წინააღმდეგ, ჩვენი ხალხის საკეთილდღეოდ ცხადია. შ

ესაბამისად, ჩვენ მივიღეთ გადაწყვეტილება, “ნაციონალურმა მოძრაობამ” “სტრატეგია აღმაშენებელთან” ერთად, რომ ამ კოალიციას სჭირდება მათ შორის შტაბური, კამპანიური მუშაობა და 2018 წელს გვაქვს ოპოზიციას საუკეთესო გამოცდილება იმის, რომ ერთტურიან არჩევნებში, ვგულისხმობ პირველ ტურში გამარჯვებას, რომელიც მოვიპოვეთ 2018 წელს და 2024-ში ვადიან ან ვადამდელი არჩევნების პირობებში ჩვენ გვექნება მხოლოდ ერთი ტური მხოლოდ არჩევნების, მხოლოდ ერთი დღე არჩევნების და არანაირი ორი ტური აღარ არსებობს.

შესაბამისად, 2018 წელს პოზიტიური გამარჯვების გამოცდილება, შტაბურ-კამპანიურ მუშაობაში აქვს გიორგი ვაშაძეს, “სტრატეგია აღმაშენებლის” ხელმძღვანელს, ამიტომ მიღებულია გადაწყვეტილება, რომ დღეიდან კოალიციურ საქმიანობაში, შტაბური მიმართულებით, ამ კამპანიებს, ამ შტაბს უხელმძღვანელებს გიორგი ვაშაძე”, – განაცხადა ლევან ხაბეიშვილმა.

გიორგი ვაშაძე ამბობს, რომ მათი მთავარი მიზანია – საქართველო გახდეს ევროკავშირის წევრი; საქართველოს ჩამოაშორონ “რუსული აგენტურული ქსელი” და “ფარცხალაძის მცველები” და საქართველომ დაიწყოს სწრაფი განვითარება.

წინა სტატიასაქართველო არის დაპყრობილი, რუსეთს აქ ჰყავს თავისი გენერალ-გუბერნატორი – ივანიშვილი – მიხეილ სააკაშვილის წერილი
შემდეგი სტატიანიკა გვარამია რადიკალური ოპოზიციის წარმომადგენელია, რადიკალიზმი ყოველთვის დამარცხდება ჩვენ ქვეყანაში – კალაძე
ტელეკომპანია ოდიშის საინფორმაციო სამსახური