ნატოს გენერალური მდივანი იენს სტოლტენბერგი კიევში ჩავიდა და უკრაინის პრეზიდენტს შეხვდა. შეხვედრის შემდეგ გამართულ ბრიფინგზე სტოლტენბერგმა უკრაინის კონტრშეტევაზე ისაუბრა:
„უკრაინის ჯარები იბრძვიან, მაგრამ თანდათან წინ მიიწევენ. ყოველი მეტრი, რომელსაც უკრაინული ჯარები აბრუნებენ, არის მეტრი, რომელსაც რუსეთი კარგავს… მოსკოვი იმპერიალისტური ილუზიებისთვის იბრძვის“, – თქვა სტოლტენბერგმა.
ზელენსკიმ პრესკონფერენციაზე უკრაინის ნატოში გაწევრიანებაზე ისაუბრა და აღნიშნა, რომ ეს მხოლოდ დროის საკითხია – „დღეს შედგა საუბარი დე ფაქტო მოკავშირეებს შორის. უკრაინა ალიანსის წევრი გახდება, ეს დროის საკითხია. ყველაფერს ვაკეთებთ ამ დროის მოსაახლოებლად“.
ცნობისთვის, დღეს კიევში ჩავიდნენ საფრანგეთის თავდაცვის მინისტრი სებასტიან ლეკორნუ და დიდი ბრიტანეთის თავდაცვის მინისტრი გრანტ შაპსი.