ახალგაზრდები ლაზარესთვის – პრეზიდენტის ადმინისტრაციასთან აქცია დაანონსდა

0
105

ახალგაზრდები ლაზარესთვის – 29 სექტემბერს, მარტის აქციების დროს დაკავებული ლაზარე გრიგორიადისის მხარდასაჭერად, პრეზიდენტის ადმინისტრაციასთან აქცია გაიმართება.

პარასკევს 19:00 საათზე ახალგაზრდები ვიკრიბებით ლაზარესთვის პრეზიდენტის ადმინისტრაციასთან,რადგან პრეზიდენტს და “ქართულ ოცნებას” კიდევ ერთხელ ვუთხრათ, რომ საქართველო არასდროს არ იქნება “რუსეთის გუბერნია” და დაუყოვნებლივ გაათავისუფლონ საქართველოს ევროპული მომავლისთვის მებრძოლი ლაზარე გრიგორიადისი. საქართველო აუცილებლად იქნება ევროპული ოჯახის ღირსეული წევრი – აღნიშნულია განცხადებაში.

შეგახსენებთ, ლაზარე გრიგორიადისი რუსული კანონის წინააღმდეგ დაგეგმილ აქციაზე დააკავეს. მას სამართალდამცავთა მიმართ ე.წ მოლოტოვის კოქტეილის გამიზნულად სროლასა და პოლიციის მანქანისათვის ცეცხლის წაკიდებაში ედავებიან.

ლაზარე გრიგორიადისს ბრალდება საქართველოს სისხლის სამართლის კოდექსის 353-ე პრიმა მუხლის მეორე ნაწილით (პოლიციელის ჯანმრთელობის ხელყოფა მის სამსახურებრივ საქმიანობასთან დაკავშირებით) და 187-ე მუხლის მეორე ნაწილის „ა“ ქვეპუნქტით (სხვისი ნივთის განადგურება, ცეცხლის წაკიდებით) მიმდინარეობს, რაც სასჯელის ზომად 7-იდან 11 წლამდე თავისუფლების აღკვეთას ითვალისწინებს.

წინა სტატიაზუგდიდის მუნიციპალიტეტის სოფელ დარჩელში უბედური შემთხვევის შედეგად, 34 წლის კაცი დაიღუპა
შემდეგი სტატიამზად ვართ უკრაინასთან მოლაპარაკებისთვის მიწაზე შექმნილი რეალობისა და კრემლის ინტერესების გათვალისწინებით – ლავროვი
ტელეკომპანია ოდიშის საინფორმაციო სამსახური