პრეზიდენტის იმპიჩმენტს ვერ შევაფასებთ, – ამის შესახებ ომბუდსმენი აცხადებს. ლევან იოსელიანის განმარტებით, სახალხო დამცველის ინსტიტუტი მსგავს საკითხებზე კომენტარს არ აკეთებს. მისი თქმით, იმპიჩმენტის საქმის განხილვა საკონსტიტუციო სასამართლოს პრეროგატივაა.
მოგეხსენებათ, ეს არის პოლიტიკური პროცესი, სადაც მხარეები გამოთქვამენ თავიანთ მოსაზრებებს. რა თქმა უნდა, როგორც მოქალაქე, თვალყურს ვადევნებ ამ ყველაფერს, მაგრამ როგორც ჩემთვის ცნობილია, წარდგინების შემდეგ ამ საქმეს განიხილავს საკონსტიტუციო სასამართლო. ალბათ ყველანი უნდა დაველოდოთ საკონსტიტუციო სასამართლოს გადაწყვეტილებას და შემდეგ გაკეთდეს შეფასებები. ჩვენი მხრიდან, როგორც სახალხო დამცველის ინსტიტუტის მხრიდან, ამას შეფასება ვერ მოჰყვება, რადგან ეს არ შედის იმ ტიპის საკითხებში, რომლებზეც ჩვენ ვაკეთებთ კომენტარს“, – განაცხადა ლევან იოსელიანმა.