საქართველოს ყოფილი პირველი ლედი სანდრა რულოვსი წერს, რომ ორი წელიწადი დასჭირდა, რათა ფსიქოლოგიურად მომზადებულიყო მიხეილ სააკაშვილთან შესახვედრად. მისივე თქმით, შეხვედრა და საუბარი დღეს შედგა:
“ორი წელიწადი დამჭირდა მანამ, სანამ ფსიქოლოგიურად შემეძლო მიშას მონახულება. დღეს შედგა ჩვენი ხანგრძლივი შეხვედრა და გულწრფელი საუბარი. ვუსურვებ მას თავისუფლებას, ჯანმრთელობას და ბედნიერებას. ჩვენ ერთად აღარ ვართ”, – წერს სანდრა რულოვსი “ფეისბუქზე”.
შეგახსენებთ, საქართველოს მესამე პრეზიდენტი მიხეილ სააკაშვილი 2020 წლის ოქტომბრიდან დაკავებულია. ამჟამად ის კლინიკა “ვივამედის” სპეციალურ პალატაში იმყოფება.