“ან დააშანტაჟეს, ან დიდი ფული გადაუხადეს,” – ამ ვარაუდს გამოთქვამს “სტრატეგია აღმაშენებლის” ლიდერი გიორგი ვაშაძე სალომე ზურაბიშვილის მხრიდან ჯაშუშობაში მხილებული ფარცხალაძისთვის მოქალაქეობის არ შეწყვეტას.
ვაშაძე ამბობს, რომ სალომე ზურაბიშვილის ქმედებები შოუს ნაწილია და ფარცხალაძის საქმემ აჩვენა, ვის ემორჩილება პრეზიდენტი. ვაშაძის თქმით, სალომე ზურაბიშვილის მიმართ მის გუნდს უნდობლობა აქვს და არცერთ მის შეხვედრას არ ესწრებიან.
ამით მივიღეთ მტკიცებულება, ვინ მართავს რეალურად ზურაბიშვილს. სამშაბათს და პარასკევს შორის რა განსხვავება იყო? სამშაბათს ხომ ამბობდა სასწრაფოდ გადმომიგზავნეთ, რომ შევუწყვიტო მოქალაქეობა, პარასკევს კი ახალი არგუმენტი უჩნდება.
ან დააშანტაჟეს, ან დიდი ფული გადაუხადეს. თუ ასე გაგრძელდა ფარცხალაძე-ჯაშუშის საქმე, ვფიქრობ, რომ ეს საკონსტიტუციო სარჩელიც კიდევ ერთი დადგმული კიდევ ერთი შოუა ზურაბიშვილსა და ქართულ ოცნებას შორის. რა დამოურჩილებლობა, ეს არის შოუ, რომელსაც წარმოდგენის მსგავსად, მსახიობი ზურაბიშვილი, მსახიობი კობახიძე და მსახიობ ღარიბაშვილთან ერთად რეჟისორ ივანიშვილის დავალებით გვიდგამენ ჩვენს თვალწინ. სხვა განმარტებას ამ აბსურდული და არაქართული და ანტისახელმწიფოებრი გადაწყვეტილებასთან დაკავშირებით ვერ ვხედავ,” – ამბობს ვაშაძე.