ზუგდიდის მუნიციპალიტეტის ხელოვნებისა და კულტურის განვითარების ცენტრის ბავშვთა და მოზარდთა სახალხო ქორეოგრაფიული ანსამბლი “ცისკარი” (სამხატვრო ხელმძღვანელი რომეო ბულია, ქორეოგრაფები მაკა გვიჩია, რობერტ ბულია) 2001 წელს, ზუგდიდის მუნიციპალიტეტის ახალაბასთუმნის საჯარო სკოლის ბაზაზე ჩამოყალიბდა. 2011 წელს “ცისკარს” მიენიჭა სახალხო სანიმუშო ანსამბლის წოდება. 2019 წელს გაიარა სანიმუშო საბავშვო სახალხო ქორეოგრაფიული ანსამბლების ბრენდირება-სერტიფიცირების პროცესი და მიენიჭა უმაღლესი შეფასება 5 ვარსკვლავი (საქართველოს ქორეოგრაფთა კავშირი). ანსამბლს ოცდაორ წლიანი არსებობის მანძილზე ჩატარებული აქვს ოცდაათამდე სოლო კონცერტი, მათ შორის ქ.თბილისში “არტ-კოლხის” საკონცერტო დარბაზში.
მონაწილეობა აქვს მიღებული ასეულობით რესპუბლიკურ და საერთაშორისო ფესტივალზე, არის მრავალი კონკურს-ფესტივალის გრან-პრისა და ოქროს მედლის მფლობელი. წლების განმავლობაში წარმატებით იმოგზაურა სხვადასხვა ქვეყნებში.
ანსამბლს ჩატარებული აქვს რამდენიმე საქველმოქმედო კონცერტი სლოგანით-“ერთად ვაკეთოთ სიკეთე”.