“ანაკლიაში ბოლოს როდის იყავით ბატონო მინისტრო? ირაკლი ჩიქოვანს მივმართავ, ანაკლიაში როდის იყავით? ის ქვიშის გორები თუ ნახეთ?” – ამ კითხვით მიმართა “ნაციონალური მოძრაობის” წევრმა ანი წითლიძემ ეკონომიკის მინისტრს.

წითლიძე ანაკლიის პორტის პროექტის ჩავარდნასა და ინფრასტრუქტურის განადგურებაზე პასუხისმგებლობას სრულად ეკონომიკის მინისტრს აკისრებს.

11 წლის განმავლობაში არათუ არაფერი ააშენეთ ანაკლიაში, ისიც ვერ შეძელით, რომ რაც დაგიტოვეთ შეგენარჩუნებინათ და მოგევლოთ, ამიტომაც აქციეთ ანაკლია მიტოვებულ და გაპარტახებულ ქალაქად.

როდის შემოვა პირველი გემიო, იკითხეს, არ ვიცი, ვინმე თუ კიდევ დარჩა საქართველოს პარლამენტში, ვისაც სჯერა, რომ რუსული ხელისუფლების პირობებში ანაკლიის პორტი აშენდეს, ანაკლიის პორტი მნიშვნელოვანია გეოპოლიტიკურადაც.

თქვენ ვინ გკითხავს, ბატონო მინისტრო, ან ირაკლი ჩიქოვანს, აშენდება თუ არა ანაკლიის პორტი. ანაკლიის პორტთან დაკავშირებით ივანიშვილმა ძალიან მკაფიოდ თქვა და რასაც 11 წელია აკეთებთ, არის ის, რომ მხოლოდ ასრულებთ მის ბრძანებას,” – ამბობს ანი წითლიძე.