“მსოფლიოში ვერც ერთი ერი ვერ იქნება ბოლომდე დაცული, თუ არ დავიცავთ უკრაინის თავისუფლებას”, – ამის შესახებ აშშ-ის პრეზიდენტმა ჯო ბაიდენმა ვოლოდიმირ ზელენსკისთან შეხვედრის დაწყებამდე განაცხადა.
„ამ კვირაში გაეროს გენერალურ ასამბლეაზე ნათლად განვაცხადე, რომ ვერც ერთი ერი ვერ იქნება ჭეშმარიტად დაცული მსოფლიოში, თუ ჩვენ არ დავდგებით და არ დავიცავთ უკრაინის თავისუფლებას რუსული სისასტიკისა და აგრესიისგან… ამიტომ ჩვენ შევკრიბეთ 50-ზე მეტი ქვეყნის კოალიცია – 50 ქვეყანა, რათა დავეხმაროთ უკრაინას თავის დაცვაში. ეს კრიტიკულად მნიშვნელოვანია”, – განაცხადა ბაიდენმა.