შეერთებული შტატების მხრიდან დაწესებულ სანქციებს უმძიმესი საფუძველი აქვს, რაც ხელისუფლებას ავალდებულებს ოთარ ფარცხალაძის მიმართ გამოძიება დაიწყოს. იურისტები ასახელებენ მუხლსაც და ეს არის სისხლის სამართლის კოდექსის 319-ე მუხლი, რომელიც უცხო ქვეყნისთვის, უცხოეთის ორგანიზაციისთვის ან უცხოეთის კონტროლს დაქვემდებარებული ორგანიზაციისთვის მტრულ საქმიანობაში დახმარებას გულისხმობს.
“ქართული ოცნების” ყოფილი მაღალჩინოსანი, მთავარი პროკურორი, ბიძინა ივანიშვილის ახლო გარემოცვის წევრი რუსეთის ეფ-ეს-ბესთან თანამშრომლობით საქმიანობდა. ეს არის უცხო ქვეყნისთვის მტრულ საქმიანობაში დახმარების აღმოჩენა, რომელიც განსაზღვრულია სისხლის სამართლის კოდექსის 319-ე მუხლით, როგორც დანაშაული. მხოლოდ აი ამ ცნობის გავრცელებისთანავე სახელმწიფო უსაფრთხოების სამსახური ვალდებულია, დაიწყოს გამოძიება”, – ამბობს ირაკლი აბესაძე.