“წლინახევრის წინ ვლადიმერ პუტინმა დაიწყო ომი იმის ფიქრით, რომ აპირებდა რუსეთის იმპერიის დიდების აღდგენას და მან ვერ მიაღწია მაქსიმალისტურ, იმპერიალისტურ მიზანს”, – ამის შესახებ აშშ-ის სახელმწიფო დეპარტამენტის წარმომადგენელმა, მეთიუ მილერმა განაცხადა.
“წლინახევრის წინ ვლადიმერ პუტინმა დაიწყო ომი იმის ფიქრით, რომ აპირებდა რუსეთის იმპერიის დიდების აღდგენას და მან ვერ მიაღწია მაქსიმალისტურ, იმპერიალისტურ მიზანს, ახლა კი, წლინახევრის შემდეგ, ათიათასობით რუსი ჯარისკაცი და მილიარდობით და მილიარდობით დოლარის დახარჯვის შემდეგ კიმ ჩენ ინს დახმარებას სთხოვს”, – აღნიშნა მილერმა.
სახელმწიფო დეპარტამენტის წარმომადგენელმა შეშფოთება გამოთქვა ჩრდილოეთ კორეასა და რუსეთს შორის თანამშრომლობის გაღრმავების გამო.
“ჩვენ ჯერ არ გვინახავს ამ შეხვედრის სრული სურათი და არ ვიცით რა იქნება მისი შედეგები, მაგრამ როცა ხედავთ, რომ კიმ ჩენ ინი სრულ, უპირობო მხარდაჭერას უცხადებს რუსეთის ე.წ. ინტერესებს”, – განაცხადა მილერმა.
კიმ ჩენ ინი და ვლადიმერ პუტინი 13 სექტემბერს ვოსტოჩნის კოსმოდრომზე შეხვდნენ. ვიზიტის დროს ჩრდილოეთ კორეამ აღმოსავლეთ სანაპიროდან ორი ბალისტიკური რაკეტა გაუშვა.
სახელმწიფო დეპარტამენტის წარმომადგენლის თქმით, შეერთებულ შტატებს აქვს საფუძველი იფიქროს, რომ პუტინმა და კიმ ჩენ ინმა სამხედრო მარაგების შესახებ ისაუბრეს. თუმცა, მან ხაზგასმით აღნიშნა, რომ ის ფაქტი, რომ რუსეთი დახმარებისთვის მიმართავს DPRK-ს, აჩვენებს, თუ როგორ ვითარდება უკრაინის წინააღმდეგ გაჩაღებული ომი კრემლისთვის.
შეერთებული შტატები იმუქრება, რომ ახალ სანქციებს დააწესებს, თუ ჩრდილოეთ კორეა მოსკოვს იარაღს მიაწვდის უკრაინაში ომისთვის.