ევროპარლამენტმა ოთხშაბათს მიიღო რეზოლუცია, რომლითაც ბელარუსის პრეზიდენტს, ალექსანდრე ლუკაშენკოს უკრაინაში რუსეთის მიერ ჩადენილი ომის დანაშაულების “თანამონაწილე”უწოდა.
“უკრაინის წინააღმდეგ რუსეთის გაუმართლებელი აგრესიული ომის წარმოების შესაძლებლობის მიცემისთვის, ლუკაშენკოს რეჟიმი გახდა რუსეთის მიერ ჩადენილი დანაშაულების თანამონაწილე, რაც გულისხმობს პასუხისმგებლობას უკრაინას მიყენებულ ნგრევასა და ზარალზე”, – ნათქვამია რეზოლუციაში.
რეზოლუციის ტექსტში ასევე აღნიშნულაი, რომ სპეციალურ საერთაშორისო ტრიბუნალს უნდა ჰქონდეს იურისდიქცია, გამოიძიოს არა მხოლოდ პუტინის და რუსეთის პოლიტიკური და სამხედრო ხელმძღვანელობოს, არამედ ბელარუსის ხელმძღვანელობის შესაძლო დანაშაულები.
ევროპარლამენტმა მოუწოდა ევროკავშირის ინსტიტუტებსა და წევრებს დაიწყონ სისხლისსამართლებრივი დევნა ბელარუსის ხელიუფლების წარმომადგენლების მიმართ. რეზოლუცია ასევე ითხოვს ლეგალური გზების პოვნას ბელარუსის ხელმძღვანელობისა და მასთან დაკავშირებული ერთეულებისთვის აქტივების ჩამორთმევისთვის, უკრაინის აღდგენის მხარდაჭერის მიზნით.
ევროპარლამენტმა ასევე მოუწოდა ევროკავშირის წევრ ქვეყნებს “გაფართოვონ და გააძლიერონ სანქციების ფარგლები” რუსეთის წინააღმდეგ. მან შესთავაზა ხელისუფლებებს ბელარუსის წინააღმდეგ იგივე სანქციების გამოყენება, რაც ამჟამად რუსეთის წინააღმდეგ მოქმედებს.