სპეკულაციაა, ცდილობენ, გადაეფარონ თანაგუნდელს, სალომე ზურაბიშვილს – კობახიძე ღარიბაშვილის ჩარტერზე

0
44

“ქართული ოცნების” თავმჯდომარე, ირაკლი კობახიძე ისევ ამტკიცებს, რომ პრემიერმინისტრის ჩარტერულ რეისზე თანხები სახელმწიფო ბიუჯეტიდან არ დახარჯულა. მისივე თქმით, ღარიბაშვილი დეკლარაციაში დეტალურად წარადგენს ინფორმაციას, თუ საიდან ჰქონდა თანხები ამ რეისისთვის.

“არცერთი თეთრი სახელმწიფო ბიუჯეტიდან არ დახარჯულა, შესაბამისად, ყველაფერი არის ცარიელი სპეკულაცია. არ ვიცი, აქაც ცდილობენ, რომ გადაეფარონ საკუთარ თანაგუნდელს, სალომე ზურაბიშვილს, მათ ჰყავთ საერთო პატრონი. ეს არის რაღაცნაირად, უსუსური მცდელობა, რომ გადაფარონ საქართველოს პრეზიდენტის მიერ კონსტიტუციის უხეში დარღვევა. მეტი მიზეზი რეალურად ამ ყველაფერს არ აქვს, თუმცა ეს არის, კიდევ ერთხელ ვიტყვი, ძალიან უსუსური მცდელობა”, – განაცხადა კობახიძემ.

ცნობისთვის, მთავრობის მეთაურის აშშ-ში კერძო ვიზიტის შესახებ 7 სექტემბერს, საქართველოს მთავრობის სტრატეგიული კომუნიკაციების დეპარტამენტის უფროსმა, ნინო გიორგობიანმა, გამოაქვეყნა განცხადება და თქვა, რომ პრემიერი აგვისტოში აშშ-ში შვილთან ერთად ჩარტერული რეისით გაემგზავრა. გიორგობიანის მტკიცებით, ხარჯი ბიუჯეტიდან არ გაწეულა.

მოგვიანებით კი სტრატკომმა ღარიბაშვილის აშშ-ში ჩასვლასთან დაკავშირებით მორიგი განცხადება გაავრცელა და აღნიშნა, რომ ღარიბაშვილი ჩარტერით ევროპაში ჩავიდა, იქიდან ამერიკაში კი რეგულარული რეისით

წინა სტატიაღარიბაშვილის შესაძლო სისხლის სამართლებრივი დანაშაული – ენმ-მ პროკურატურაში განცხადება შეიტანა
შემდეგი სტატიაღმერთმა დალოცოს და მშვიდობით აკურთხოს გურია – პატრიარქი სტიქიის შემოტევას ეხმიანება
ტელეკომპანია ოდიშის საინფორმაციო სამსახური