უკრაინის თავდაცვის მინისტრის მოადგილის, ანა მალიარის ცნობით, გასულ კვირას მათ ბახმუტის მიმართულებით 2 კვადრატული კილომეტრი გაათავისუფლეს. მისივე თქმით, უკრაინის შეიარაღებულ ძალებს გარკვეული წარმატებები აქვთ კლიშივკასა და ანდრიივკას მიდამოებში.

“გასული კვირის განმავლობაში გათავისუფლებულმა ტერიტორიამ ბახმუტის მიმართულებით 2 კვადრატული კილომეტრი შეადგინა. საერთო ჯამში, ამ მიმართულებით 49 კვადრატული კილომეტრია გათავისუფლებული…ბახმუტის მიმართულებით, კლიშივკასა და ანდრიივკას მიდამოებში, უკრაინის შეიარაღებულმა ძალებმა გარკვეულ წარმატებას მიაღწიეს. ამასთან, კვირის განმავლობაში უკრაინის ჯარებს მცირე წინსვლა ჰქონდათ დონეცკის ოლქის ნოვომაიორსკის რაიონში,” – ამბობს მალიარი.

ამას გარდა, სამხრეთ ფრონტზე, უკრაინული ჯარები სოფელ რობოტინოსთან 1,5 კილომეტრით დაწინაურდნენ.