“დადის და კაციშვილმა არ იცის, იქ რას ლაპარაკობს. აქ მოვისმინეთ, რომ თურმე საქართველო არ იმსახურებს კანდიდატის სტატუსს,” – ეს განცხადება “ქართული ოცნების” დეპუტატმა ირაკლი ზარქუამ გააკეთა.
ზარქუა პრეზიდენტის ევროპულ ტურნეს და იმპიჩმენტის წამოწყებას ეხმაურება და აღიარებს, რომ მმართველი პარტია სალომე ზურაბიშვილის ქმედებებს და ასევე მის განცხადებებს ვერ აკონტროლებს.
ზარქუა დარწმუნებულია, რომ იმპიჩმენტის საკითხით პრეზიდენტთან “ნაციონალური მოძრაობა” ივაჭრებს.
დადის და კაციშვილმა არ იცის, იქ რას ლაპარაკობს. აქ მოვისმინეთ, რომ თურმე საქართველო არ იმსახურებს კანდიდატის სტატუსს. მაშინ, როდესაც ამ განწყობით, ამ მიდგომით ქალბატონი პრეზიდენტი აანონსებს ევროპულ ვოიაჟს, მიუღებელია, ამას ვერ გავატარებთ. როგორ დაიწყება ახლა ვაჭრობა, აბა, გამოუშვი სააკაშვილი და მხარს არ დავუჭერთ, თუ არ გამოუშვებთ – მხარს დავუჭერთ და ჩამოგაგდებთ, შემჩნეულები არიან ეს ხელმოცარულები ამაში,“ – ამბობს ირაკლი ზარქუა.