რადიო “თავისუფლების” ცნობით, 2 სექტემბერს, საღამოს ახმეტის, თელავის და გურჯაანის 15-მდე სოფელი დაისეტყვა.
ახმეტის სოფლებში, არგოხში, მაღრაანსა და ფიჩხოვანში დასეტყვილია ვენახები და ხეხილის ბაღები. მაღრაანში ძლიერმა ქარმა მოგლიჯა ხეები. გაწყვეტილია ელექტროსადენები და წაქცეულია ელექტრო ბოძები. ქარმა სახლებს სახურავებიც გადახადა.
ადგილზე მუშაობენ საგანგებო სიტუაციების სამსახურის სამაშველო ჯგუფებიც.
ვიდეო დასეტყვილი ვენახიდან (ვიდეოს ავტორი აჩი მექვევრიშვილი) ნახეთ ამ ბმულზე