გაერო რუსეთს მარცვლეულის შეთანხმების აღსადგენად “კონკრეტულ წინადადებებს” სთავაზობს

0
132

გაეროს გენერალურმა მდივანმა, ანტონიო გუტერეშმა რუსეთის საგარეო საქმეთა მინისტრს, სერგეი ლავროვს წერილი გაუგზავნა და შავი ზღვის მარცვლეულის შეთანხმების განახლების მიზნით “კონკრეტული წინადადებები” წარუდგინა.

გუტერეში დეტალებზე არ საუბრობს, თუმცა, მიიჩნევს, რომ რუსეთისთვის შეთავაზებული წინადადებები შეთანხმების სტაბილურად გაგრძელების საფუძველს ქმნის.

გუტერეშის თქმით, “მარცვლეულის შეთანხმებამ” მნიშვნელოვანი წვლილი შეიტანა იმაში, რომ სურსათის ბაზრები გაეროს სურსათის უვნებლობის მიზნებთან მიმართებით უფრო ადეკვატური გამხდარიყო – იქნება ეს ფასების შემცირება თუ ბევრი ქვეყნის გლობალურ ბაზრებზე წვდომისთვის პირობების შექმნა.

“ჩვენ არ შეგვიძლია გვქონდეს შავი ზღვის ინიციატივა, რომელიც კრიზისიდან კრიზისზე, შეჩერებიდან შეჩერებაზე გადადის. ჩვენ უნდა გვქონდეს ისეთი რამ, რაც მუშაობს და ყველასთვის სასარგებლო იქნება,” – აღნიშნა გუტერეშმა.

ცნობისთვის, რუსეთმა 2023 წლის 18 ივლისიდან დატოვა გაეროს და თურქეთის შუამავლობით, 2022 წლის ივლისში, სტამბოლში მიღწეული “მარცვლეულის შეთანხმება.” რომლის საფუძველზეც, შავი ზღვით ხორციელდებოდა უკრაინული ხორბლის და სოფლის მეურნეობის სხვა პროდუქტების ექსპორტი, მათ შორის აფრიკის და აზიის ღარიბ ქვეყნებში.

წინა სტატიაზურაბიშვილმა იცის, რომ სტატუსის მინიჭების პერსპექტივა გაზრდილია და სურს ქულები თავად დაიწეროს – კობახიძე
შემდეგი სტატიაშულერის სვლებია, მთავარი თემებიდან ყურადღების გადატანას ემსახურება – სააკაშვილი ზურაბიშვილის იმპიჩმენტზე
ტელეკომპანია ოდიშის საინფორმაციო სამსახური