მთავარისიახლეებისაზოგადოებასექტემბერში ბაიდენი ვიეტნამში ჩავა – თეთრი სახლი

სექტემბერში ბაიდენი ვიეტნამში ჩავა – თეთრი სახლი

Published on

თეთრი სახლის ცნობით, სექტემბერში აშშ-ს პრეზიდენტი, ჯო ბაიდენი ვიეტნამში ჩავა და მაღალი დონის შეხვედრებს გამართავს.

გავრცელებული ინფორმაციით, ბაიდენი ჰანოიში 10 სექტემბერს, ინდოეთში დაგეგმილი G20-ის სამიტის დასრულების შემდეგ ჩავა. ის ვიეტნამის კომუნისტური პარტიის გენერალურ მდივანს, ნუენ ფუ ჩონგსა და სხვა მაღალჩინოსნებს შეხვდება.

ვაშინგტონი ვიეტნამთან, რომელსაც რეგიონში მნიშვნელოვან პარტნიორად განიხილავს, ურთიერთობების გამტკიცებას ცდილობს.

18 აგვისტოს POLITICO-მ წყაროებზე დაყრდნობით გაავრცელა ინფორმაცია, რომ სექტემბერში დაგეგმილი ვიზიტისას ბაიდენი ვიეტნამთან სტრატეგიულ პარტნიორობაზე შეთანხმებას მოაწერს ხელს. როგორც გამოცემა წერს, შეთანხმება 1995 წელს, ვიეტნამის ომის დასრულებიდან 20 წელიწადში ორ ქვეყანას შორის დამყარებული დიპლომატიური ურთიერთობის თანდათანობითი გაუმჯობესების კიდევ ერთი მაჩვენებელი იქნება.

2013 წელს, ბარაკ ობამას პრეზიდენტობის დროს ქვეყნებს შორის ხელი მოეწერა ყოვლისმომცველი პარტნიორობის შეთანხმებას, რომელიც სტრატეგიული პარტნიორობის შესახებ დოკუმენტისთვის მნიშვნელოვანი საფუძველი შეიძლება გახდეს.

აღსანიშნავია, რომ ყოვლისმომცველი სტრატეგიული თანამშრომლობის შესახებ შეთანხმება ოფიციალურ ჰანოის პეკინთან 1998 წელს აქვს გაფორმებული, რაც ჩინეთთან 1979 წლის სასაზღვრო კონფლიქტის შემდეგ წარმოებული პრაგმატული პოლიტიკის გაგრძელებაა. საბჭოთა დროიდან რუსეთთან არსებული ურთიერთობების შენარჩუნების მიზნით მსგავსი შეთანხმება უკვე 10 წელზე მეტია მოსკოვთანაც მოქმედებს. სავარაუდოა, რომ ვიეტნამი შესაბამისი მანევრირებებით სამივე პარტნიორისგან სარგებლის მიღებას შეეცდება.

სტრატეგიულ პარტნიორობაზე შეთანხმების შესახებ არც ჰანოიში და არც ვაშინგტონში კომენტარს ჯერ არ აკეთებენ.

სიახლეები

საქართველოში ჩემი გულის ნაწილს ვტოვებ და სამუდამოდ ვიქნები ქართველი ხალხის ნამდვილი მეგობარი – დანიგანი

საქართველოში ჩემი გულის ნაწილს ვტოვებ და სამუდამოდ ვიქნები ქართველი ხალხის ნამდვილი მეგობარი - ამის...

დაკავებული ირაკლი ბათიაშვილი მოჰყავდათ და მამამისის პანაშვიდზე იდგა მთელი დღე – ნუცა ბათიაშვილი

„თავისუფალი უნივერსიტეტის“ სამაგისტრო და სადოქტორო პროგრამების დეკანი ნუცა ბათიაშვილი სოციალურ ქსელში იხსენებს, რომ როცა...

“როგორ გძინავთ ღამე ამდენი ხალხის ცოდვით!” – თბილისში დაღუპულის დისშვილი კახა კალაძესა და მერიას მიმართავს

"დეიდაჩემი ტონიანი სინკარების ქვეშ მოყვა და ადგილზე გარდაიცვალა, ყინვასა თუ სიცხეში იდგა დღეში 20...

ოკეანეში შვეულმფრენის ჩავარდნის შემდეგ, აშშ-ში ქართველ მეცნიერს ეძებენ

ამერიკის შეერთებულ შტატებში მოღვაწე ქართველი მეცნიერი, ბიოლოგი ცოტნე ჯავახიშვილი შვეულმფრენით ოკეანეში ჩავარდა. როგორც სოციალურ...