მთავარისიახლეებისაზოგადოება"დაახლოებით 10 წუთში მოვიდა ბრიგადა, მაგრამ უკვე გარდაცვლილი იყო..." - რას ჰყვებიან...

“დაახლოებით 10 წუთში მოვიდა ბრიგადა, მაგრამ უკვე გარდაცვლილი იყო…” – რას ჰყვებიან თემურ ხარჩილავას მეგობრები

Published on

შოვში, სამძებრო სამუშაოების მიმდინარეობისას, სამსახურებრივი მოვალეობის შესრულების დროს, სავარაუდოდ, გულის შეტევით გარდაიცვალა თავდაცვის ძალების ინსტრუქტორი თემურ ხარჩილავა.

“ოდიშინიუსისთვის” ცნობილი გახდა დამატებითი დეტალები თემურ ხარჩილავას მეგობრებისგან, რომლებიც სტიქიის ზონაში მყოფ თვითმხილველებს (სამხედრო მოსამსახურეებს) ესაუბრნენ.

ხარჩილავას მეგობრები ამბობენ, რომ სამხედრო მოსამსახურე, სამუშაოების მიმდინარეობის დროს, მოულოდნელად, შეუძლოდ გახდა და მდინარის პირას ჩავიდა, შემდეგ კი გონება დაკარგა. მისმა ჯგუფმა (მაშველები და სამხედროები რამდენიმეკაციან ჯგუფებად არიან დაყოფილი და სექტორებად დაყოფილ მონაკვეთებზე, მდინარის კალაპოტის გასწვრივ მუშაობენ) სასწრაფო შეტყობინება გადასცა, რამდენიმე სამხედრო და მაშველი კი თემურ ხარჩილავას პირველ სამედიცინო დახმარებას უწევდა.

მათივე თქმით, სასწრაფო დახმარების ბრიგადა დაახლოებით 10 წუთში მოვიდა, მაგრამ თემური უკვე გარდაცვლილი იყო.

მეგობრების თქმითვე, სამედიცინო დახმარება დასჭირდა კიდევ ერთ სამხედრო მოსამსახურეს, რომელიც თემურ ხარჩილავასთან ერთად იმყოფებოდა და “მეგობარი ხელებში ჩააკვდა”. ამჟამად მისი მდგომარეობა დამაკმაყოფილებელია.

აღსანიშნავია, რომ თემურ ხარჩილავას სტიქიის ზონაში ყოფნის განსაზღვრული, ათდღიანი ვადა სწორედ დღეს უმთავრდებოდა, როტაცია უწევდა და რამდენიმედღიანი შვებულებით, შინ უნდა დაბრუნებულიყო.

აფხაზეთიდან დევნილი თემურ ხარჩილავა სამი შვილის (ორი სტუდენტისა და ერთი სკოლის მოსწავლის) მამა იყო, ის წლების განმავლობაში ოჯახთან ერთად ზუგდიდში, გორგასლის ქუჩაზე ცხოვრობდა.

სიახლეები

პაკისტანმა ინდოეთის წინააღმდეგ მასშტაბური სამხედრო ოპერაციის დაწყების შესახებ გამოაცხადა

პაკისტანმა ინდოეთის წინააღმდეგ მასშტაბური სამხედრო ოპერაციის დაწყების შესახებ გამოაცხადა და მას რამდენიმე საათით ადრე...

მერცი, მაკრონი, სტარმერი და ტუსკი კიევში ჩავიდნენ

გერმანიის ახალი კანცლერი ფრიდრიხ მერცი, საფრანგეთის პრეზიდენტი ემანუელ მაკრონი, დიდი ბრიტანეთის პრემიერ-მინისტრი კირ სტარმერი...

თემურ ქათამაძეს სასამართლო პროცესის დასრულებამდე საქართველოდან არ გააძევებენ

თემურ ქათამაძეს საქართველოდან არ გააძევებენ სასამართლო პროცესის დასრულებამდე - საქმის მიმდინარეობის შესახებ ინფორმაციას "სოციალური...

ანდრო ჭიჭინაძე ევროპის კინოაკადემიის წევრი გახდა

„ანდრო ჭიჭინაძე ევროპის კინოაკადემიის წევრი გახდა! ევროპის კინოაკადემიამ ახალი წევრების სია გამოაქვეყნა, რომელთა შორისაა ანდრო...