ანა მალიარი რობოტინოს გათავისუფლებას და მისგან სამხრეთ-აღმოსავლეთით უკრაინის არმიის წინსვლას ადასტურებს.
ЗСУ-მ ბახმუტის მიმართულებაზე, ანდრეევკასთან, წინ წაიწია და ღამის განმავლობაში პოზიციები გაიუმჯობესა ნოვოპროკოპივკასთან
DEEP STATE-ს მონაცემებით, ღამის განმავლობაში უკრაინელებმა წინ წაიწიეს ბახმუტის სამხრეთით, კლიშევკასთან. ეს მონაკვეთი ურთულესია, მიმდინარეობს მძიმე ბრძოლები, ტერიტორია დანაღმულია ოკუპანტების მიერ, მათ ამ მხარეს რეზერვიც გადაისროლეს.
ავდეევკასთან დილიდან განახლდა შეტაკებები ნეველსკთან – აქ ოკუპანტები ცდილობენ, დაკარგული პოზიციები დაიბრუნონ.
ზაპოროჟიის მიმართულებაზე კი შეტაკებები გრძელდება რობოტინეს აღმოსავლეთით, უკრაინელებმა გაიუმჯობესეს პოზიციები ნოვოპროკოპივკასთან.
აშშ-ის ომის შემსწავლელი ინსტიტუტის ცნობით, უკრაინელები წინ მიიწევენ ნოვვოპროკოპივკის, მალა ტოკმაჩკისა და ოჩერეტუვატეს მიმართულებით (ზაპოროჟიის დასავლეთი მხარე), ასევე უროჟაინესა და რობოტინოს მიმართულებებით და აგრძელებენ შეტევით ოპერაციებს ბახმუტისკენ.
უკრაინელებმა კიდევ ერთი ცხინვალელი ბოევიკი, 33 წლის არტურ ხაჩიროვი მოკლეს – მას სამშაბათს დაკრძალავენ.
წუხელ ოკუპანტებმა პოლტავის ოლქი და კრივოი როგი დაბომბეს. იტყობინებიან ორი დაღუპული მშვიდობიანი მცხოვრებისა და 5 დაშავებულის შესახებ.
რუსი ვოენკორები იტყობინებიან, რომ პოდმოსკოვიეს დასახლება ლუბერეცთან, ვერტმფრენების ქარხნიდან 5 კმ-ში ჩამოაგდეს უკრაინული უპილოტო საფრენი აპარატი
“ვაგნერის” შეფის პრიგოჟინისა და სხვა დაღუპულების სახალხო სამგლოვიარო პროცესია არ შედგება. ასევე, არ სახელდება დაკრძალვის ადგილი, იმაზე მეტად, რომ მითითებულია ქალაქი სანქტ-პეტერბურგი. ამას “ნათესავების სურვილით” სხნიან და სწორედ ეს იგულისხმა დიმიტრი პესკოვმაც, როცა განაცხადა, რომ “დაკრძალვის ცერემონია ნათესავების სურვილის გათვალისწინებით ჩატარდება”.
რობოტინოში გამარჯვება მელიტოპოლისა და ბერდიანსკის დასაბრუნებლად ბრძოლის დაწყებას ნიშნავს, – წერს გამოცემა “Фокус”.
აფხაზურ ბატალიონ “პიატნაშკას” დონბასში “აფხაზური ესტრადის” წარმომადგენლებმა – კონჯარიამ და ადლეიბამ ჩააკითხეს და სიმღერები აფხაზურ ენაზე შეუსრულეს, მეტი დამაჯერებლობისთვის კი ტოტო კუტუნიოს პოპულარული სიმღერაც მიაყოლეს.