თეთრი სახლი უარყოფს ინფორმაციას იმის შესახებ, რომ მიმდინარეობს დისკუსიები ნატოში უკრაინის მიღებაზე, თუ ის დათმობს ტერიტორიების ნაწილს რუსეთის სასარგებლოდ. ამ თემაზე აშშ-ის ეროვნული უშიშროების საბჭოს კოორდინატორმა სტრატეგიული კომუნიკაციების საკითხებში, ჯონ კირბიმ ბრიფინგზე ისაუბრა.
“არაფერი მსგავსი. ეს არ არის ზუსტი [ინფორმაცია]” – განაცხადა მან კითხვის საპასუხდ.
კირბიმ ხაზგასმით აღნიშნა, რომ აშშ-ის პოზიციაა, რომ მომავალში უკრაინა შეძლებს გახდეს ნატოს წევრი და ეს ალიანსის წევრი ქვეყნების ხელმძღვანელობამ ვილნიუსში გამართულ სამიტზე დაადასტურა.
“ვილნიუსის სამიტზე ალიანსი იდგა ამ იდეის უკან და დადგა ცნების უკან, რომლის მიხედვითაც შეიძლება შემუშავდეს გზა საბოლოო წევრობისთვის [უკრაინის ნატოში გაწევრიანება]. მაგრამ აქცენტი ახლა გაკეთებული უნდა იყოს უკრაინის დახმარებაზე რუსული აგრესიის დამარცხებაში და ტერიტორიის უკან დაბრუნების გასაგრძელებლად, რომელიც კანონიერად მას ეკუთვნის. ისინი ყოველდღე პროგრესირებენ. და ჩვენ გავაგრძელებთ მათ მხარდაჭერას”, – თქვა კირბიმ.