უკრაინის გენშტაბის მონაცემებით, ოკუპანტები ფაქტობრივად განდევნილია რობოტინოდან და უროჟაინედან ზაპოროჟია-დონეცკის ადმინისტრაციულ საზღვრებამდე.
ყირიმს არც წუხელ ეძინა – რუსმედიელები წერენ, რომ ნახევარკუნძულს, სხვადასხვა ადგილებში, 14 უკრაინული დრონი უტევდა, აქედან 6, მათი თქმით, ჩამოაგდეს, ხოლო დანარჩენი გააუვნებელყვეს რადიოელექტრონული ბრძოლის მოწყობილობებით.
ყირიმის ხიდის თავზე ძლიერი დაკვამლიანებაა, მანამდე კი აფეთქების ხმები ისმოდა. გავრცელებული ინფორმაციით, მუშაობდა ოკუპანტთა ჰსთ სისტემები, ასევე, გავრცელდა ინფორმაცია დროებით ოკუპირებულ ქერჩში აფეთქებების შესახებ. ინფორმაცია ზუსტდება.
გასული დღე-ღამის განმავლობაში რუსეთის სამხედრო დანაკარგების შესახებ მონაცემების თანახმად, კიდევ 510 ოკუპანტს მოუწევს შინ დაბრუნება, ოღონდ, შავი პაკეტებით – სწორედ ამდენი ოკუპანტია ლიკვიდირებული/მწყობრიდან გამოყვანილი.