უკრაინის ჰაერსაწინააღმდეგო ძალებმა გაანადგურეს 23 დრონი-კამიკაძე, რომელიც მტერმა კურსკიდან, პრიმორსკო-ახტარსკიდან და ჩაუდიდან (ყირიმის ნ/კ) გაუშვა უკრაინის ქალაქების მიმართულებით.
კიევი: დედაქალაქის თავზე 10 დრონია ჩამოგდებული. ნამსხვრევები სოლომენკოსა და სვიატოშინსკის რაიონებში ჩამოვარდა. არავინ დაზარალებულა.
კიევის ოლქი: ბუჩის რაიონში ერთი საცხოვრებელი კორპუსი დაზიანდა, გაჩნდა ხანძარი, დაზარალებულები არ არიან.
ოდესის ოლქი: საპორტო და და სამრეწველო ინფრასტრუქტურის დაზიანება, ხანძარი, ელევატორის გამოსვლა მწყობრიდან. დაზარალებულები არ არიან.
სუმის ოლქი: ჰაერსაწინააღმდეგო ძალებმა უპილოტო საფრენი აპარატი ჩამოაგდეს, დაზარალებულები არ არიან.
ხარკოვის ოლქი: იზიუმის რაიონში რაკეტა საცხოვრებელ კორპუსს დაეცა, დაიღუპა 91 წლის ქალი, 45 წლის კაცი ჰოსპიტალიზებულია. კუპიანკის რაიონში სამი საცხოვრებელი სახლი დაზიანდა.