უკრაინელ მოფარიკავე ოლგა ჰარლანთან დაკავშირებული სკანდალის შემდეგ, ფარიკაობის საერთაშორისო ფედერაციამ საერთოდ გააუქმა რეგლამენტი, რომლის მიხედვითაც, შეხვედრა დასრულებულად არ ჩაითვლებოდა, თუ სპორტსმენები ერთმანეთს ხელს არ ჩამოართმევდნენ.
ხელის ჩამორთმევის ნაცვლად, სპორტსმენებს შეეძლებათ დისტანციურად და სიმბოლურად მიესალმონ ერთმანეთს შეხვედრის დასრულების შემდეგ, რაც აარიდებს უკრაინელებს ვალდებულებას, ხელი ჩამოართვან რუს სპორტსმენებს, იმის მიუხედავად, რომ ისინი ნეიტრალური დროშით ასპარეზობენ.
რაც შეეხება ოლგა ჰარლანს, მისი დისკვალიფიკაცია გაუქმებულია და ცნობილი გახდა, რომ 2024 წლის ოლიმპიადაზე პარიზში, სპეციალური კვოტით დაუშვებენ.