გლდანში, ავტომანქანა, რომელიც სწრაფად მოძრაობდა, მაღაზიიდან გამოსულ ქალს დაეჯახა – 25 წლის ორსული გოგო ადგილზე დაიღუპა.
“გლდანში ზედა კარფურთან ქალს დაეჯახა მანქანა და დაიღუპა ადგილზე, მერე გაზის მილებში შევარდა ეს მანქანა და გაზი ჟონავს ახლა. საშინელება ხდება”, – წერს “ფეისბუქზე” დემბო ლომიძე.
ამის შემდეგ მანქანა გაზის მილებში შევარდა, იყო აფეთქების საშიშროება:
“გლდანის 5 მ/რ, ვეკუას 119-თან, ავტოავარიის გამო დაზიანდა ბუნებრივი გაზის მილი, ჟონავდა გაზი და აფეთქების საშიშროება შეიქმნა. ოპერატიულად გადავკეტეთ ბუნებრივი გაზი. უსაფრთხოება სრულად დაცულა”, – ნათქვამია თბილისი ენერჯის განცხადებაში. უწყების თქმით, ამჟამად საშიშროება აღარ არსებობს და აღმოფხვრილია.