ყველა თანხმდება, რომ სტატუსის მიღებას ხელს უშლის მიხეილ სააკაშვილის ამ მდგომარეობაში ყოფნა – ენმ-ს ლიდერები საფრანგეთის ელჩს შეხვდნენ

0
74

“ნაციონალური მოძრაობის” ლიდერები საქართველოში საფრანგეთის ელჩს შეხვდნენ. ლევან ხაბეიშვილის განცხადებით, ყველა თანხმდება, რომ მესამე პრეზიდენტის პატიმრობა ხელს უშლის საქართველოს ევროინტეგრაციას.

ლევან ხაბეიშვილმა და პარტიის გენერალურმა მდივანმა, პეტრე ცისკარიშვილმა შერაზ გარსთან შეხვედრაზე იმ აქტუალურ თემაზე ისაუბრეს, რაც საქართველოს პოლიტიკურ დღის წესრიგში დგას. საუბარი შეეხო საქართველოში არსებულ რუსულ საფრთხეებს, ბოლო დროს, ხელისუფლების მიერ წახალისებულ ძალადობრივ კამპანიებს, ოლიგარქიულ რეჟიმსა და საქართველოს ევროინტეგრაციას.

“ვისაუბრეთ კანდიდატის სტატუსთან მიმართებაში პრეზიდენტ სააკაშვილის თავისუფლების მნიშვნელობაზე და მოდი პირდაპირ ვთქვათ, რომ აბსოლუტურად შეთანხმებულია ყველა, რომ ხელს უშლის კანდიდატის სტატუსის მიღებას პრეზიდენტის ამ მდგომარეობაში ყოფნა. დეტალურად ვისაუბრეთ რუსული პარტიის მავნებლურ საქმიანობაზე და დავუფიქსირეთ ღიად ჩვენი დამოკიდებულება სტატუსთან დაკავშირებით, რომ ქართველ ხალხს ეკუთვნის კანდიდატის სტატუსი”, – ამბობს ლევან ხაბეიშვილი.

წინა სტატია“გაუარესებული სისხლის ანალიზების გამო, უტარდება გადასხმები სედაციის ფონზე” – მიხეილ სააკაშვილი სასამართლო პროცესს ვერ ჩაერთო
შემდეგი სტატიაიტალიის სენატმა ჰოლოდომორი უკრაინელი ხალხის გენოციდად აღიარა
ტელეკომპანია ოდიშის საინფორმაციო სამსახური